பாகுபலியை வசூலில் முந்திய லோகா Chapter One – சந்திரா! முழு விவரம்.
மலையாள சினிமா ரசிகர்களுக்கு ஒரு பெரும் பெருமையைத் தந்த படம் “லோகா Chapter One – சந்திரா”. கல்யாணி பிரியதர்ஷன் மற்றும் நஸ்லென் நடித்த இந்த சூப்பர் ஹீரோ படம், வெளியான 2 வாரங்களிலேயே வசூலில் சாதனை படைத்து வருகிறது.
ஆகஸ்ட் 29ஆம் தேதி வெளியாகிய இந்த படம், முதல் நாளிலேயே ₹2.7 கோடி வசூலித்தது. அதன்பிறகு தொடர்ந்து 14 நாட்கள் பாக்ஸ் ஆபிஸில் வலுவான ஓட்டத்தைக் கண்டுள்ளது. ரசிகர்கள், விமர்சகர்கள் இருவரிடமும் நல்ல வரவேற்பைப் பெற்றுள்ளதால், வசூல் வேகம் குறையவில்லை.
முதல் வாரத்தில் மட்டும் இந்த படம் ₹38.65 கோடி வசூலித்தது. இரண்டாம் வாரத்தில் கூட அதே ஜோஷுடன் தொடர்ந்து, ₹35.05 கோடி பெற்றுள்ளது. இதனால் 2 வாரங்களிலேயே மொத்தம் ₹73.7 கோடி என்ற பெரும் சாதனையை எட்டியுள்ளது.
இவ்வசூலால், படம் மலையாளத்தில் இதுவரை பெற்ற பெரிய சாதனைகளில் ஒன்றாக மாறியுள்ளது. குறிப்பாக, பாகுபலி 2 மலையாள வசூலை முறியடித்து, புதிய வரலாறு படைத்துள்ளது. மலையாள சூப்பர் ஹீரோ படமாக வெளியான “சந்திரா”, ரசிகர்களிடம் மிகப்பெரும் ஹிட் ஆகி வருகிறது.
இப்போது இந்த படம், கேரளாவில் மிக அதிக வசூல் செய்த படங்களில் முதலிடம் பிடிக்க முயற்சி செய்கிறது. அடுத்த இலக்காக “ஆவேஷம்” (₹76.10 கோடி) மற்றும் “ஆடுஜீவிதம்” (₹79.28 கோடி) ஆகிய படங்களைத் தாண்ட வேண்டும். இதை வென்றால், கேரளாவின் Top 5 Grosser பட்டியலில் “லோகா Chapter One – சந்திரா” இடம்பெறும்.
மலையாள சினிமாவுக்கு ஒரு புதிய பரிமாணத்தை கொண்டு வந்த இந்த படம், சூப்பர் ஹீரோ வகையை ரசிகர்களிடம் பரவலாக அறிமுகப்படுத்தி இருக்கிறது. வரவிருக்கும் நாட்களில், படம் இன்னும் பல சாதனைகளை எட்டும் என ரசிகர்கள் பெரும் எதிர்பார்ப்புடன் காத்திருக்கிறார்கள்.
